To folkemøter om samfunnsdelen i kommuneplanen som er ute på høyring
Kommuneplanen sin samfunnsdel i Bykle kommune er ute på høyring, og no kan folk flest kome med meiningar og innspel. Det blir skipa til to folkemøter om saka.
Publisert av Ole Birger Lien
Publisert 14.05.2024 14:06
Sist endra 15.05.2024 09:04
Det blir folkemøte om samfunnsdelen av kommuneplanen i Hovden grendehus tysdag 21. mai. Dagen etter er det folkemøte om same tema i Bykle samfunnshus.
Ole Birger Lien
I Hovden grendehus er det folkemøte tysdag 21. mai klokka 18, dagen etter er det folkemøte i Bykle samfunnshus klokka 18. Samfunnsdelen av kommuneplanen er det viktigaste styringsverktøyet kommunen har. Forslag til plan blei handsama av kommunestyret i møte 25. april 2024 og ligg no ute til diskusjon og høyring før planen blir endeleg vedteken av kommunestyret.
Politiske drøftingar
Planen er eit resultat av politiske drøftingar, og gir utdjuping av kva som ligg i kommunen sin visjon «Bykle ser langt» og omtalar satsingsområde for gjeldande valperiode. Planforslaget er tufta på eit omfattande kunnskapsgrunnlag om hovudtrekk ved utviklinga i Bykle kommune.
Innspel til kommuneplanen sin samfunnsdel kan rettast til Bykle kommune, planavdelinga, Sarvsvegen 14, 4754 Bykle eller på e-post: postmottak@bykle.kommune.no innan 30. juni 2024. Merk innspel med saksnr: 2023/17.
HER kan du sjå utkast til planen og lese meir om deltaking og innspel.