Åtte har søkt bustad gjennom Leige før eige

Leilegheitsbygget i Røyrvikåsen er på veg opp. Det har kome inn åtte søknader i prosjektet. Trine Tharaldsen

Byggjinga i Røyrvikåsen er no i full gang, og alt skal stå ferdig i juni. Einingane er fordelt på to etasjar, og det er parkering i felles garasjerekke. På garasjeplassen blir det lagt inn straum og opplegg til å lade El-bil. Det er tre typer einingar. Dei minste leilegheitene er på vel 50 kvm, dei nest største er 67 kvm og dei største er tett opp under 80 kvm. Prisen for dei minste er 2,1 mill. kr., dei nest største kostar 2,35 mill. kr. og dei største går for 2,6 mill. kr. 

Prisauke blir bonus

I og med at prisane blir sette no, betyr det at den som eventuelt kjøper etter å ha leigd i tre eller fem år får gevinsten av prisauke i eigedomsmarknaden som ein bonus på toppen av sparinga som alt ligg inne.

– No skal me gå gjennom søknadene med det første, så vil det avklare ein del. Me har sagt at i tilfelle det er fleire godkjente søknader enn det er leilegheiter til, så må fordelinga avgjerast med loddtrekning, seier Trine Tharaldsen i Bykle kommune.

HER kan ein sjå meir om prosjektet