Kva er Ungdommens kulturhus?

Det er ein sosial møtestad der det er rom og plass for alle i opningstida for eigenorganisert aktivitet. Tilbodet er tilrettelagt og gjeld for barn og unge som er busett i Bykle kommune. Her er de velkomne til å drive med ulike interesser blant anna gaming, brettspel, dans, yoga, ballspel, band, leksejobbing og teikning. Det er dei sjølv som deltek med innhald og aktivitet styrt av eiga interesse. Hemsen, dansesalen og bandrom er hyggelege stader å henge.

Barn frå 5. trinn kan booke gymsal og bandrom så lenge det ikkje er organisert aktivitet i lokalet. For å få tilgang til bandromma må dei ha fullført kurs med kulturskulelærar, dette kan bookast i resepsjonen.