Høyring og offentleg ettersyn av Detaljregulering - turveg Hartevatn - frå Hegni til Badstogviki. PlanID 202403

I samsvar med plan- og bygningslova § 12-10 blir detaljregulering - turveg Hartevatn - frå Hegni til Badstogviki. PlanID 202403 lagd ut til høyring og offentleg ettersyn etter første gongs handsaming i planutvalet 13.04.2026, sak 50/26.

 Formålet med planarbeidet er å leggje til rette for etablering av tursti langs Hartevatn, frå Hegni til Badstogviki, på vestsida av riksveg 9 langsmed Hartevatn. Tiltaket vil betre framkome, trafikktryggleiken og turmoglegheiter for mjuke trafikantar langs med riksvegen i det aktuelle området.

Plandokument finn de her på arealplanar.no

Merknader til reguleringsarbeidet kan rettast til Bykle kommune, planavdelinga, Sarvsvegen 14, 4754 Bykle, eller på e-post post@bykle.kommune.no, innan 30. juni 2026.