I samsvar med plan- og bygningslova § 12-10 blir detaljregulering for Hovdestøylen, planid 202108, lagd ut til høyring og offentleg ettersyn etter første gongs handsaming i kommunestyret 05.12.2024, sak 128/24. Saka blei først handsama i planutvalet 04.11.2024 der kommunedirektørens innstilling blei vedteke. Mindretalet anka saka til Kommunestyret, som vedtok å leggje saka ut på offentleg ettersyn.
Formålet med planarbeidet er å leggje til rette for ein betydeleg oppgradering og utbygging av området for å styrke destinasjonen Hovden og heilårsdrift ved hotellet. Forslag til utbygging og endring av formål er ifølge utbyggar tilpassa dagens marknad på Hovden.
Planen legg til rette for tre leilegheitsbygg med maksimal høgde på 14 m. Planen legg og opp til å utnytte areal ned mot elva til aktivitetar og mindre bygg som badstue. Planforslaget er delvis i tråd med overordna kommuneplan og gjeldande regulering, men opnar for ein større andel einingar utan utleigeplikt. Den bygg og ned eit areal avsett til leik i gjeldande plan, samt legg til rette for utnytting av areal tett inn til skiløypa og ned mot elva til aktivitetstiltak. Leikearealet blir erstatta andre stader innanfor planområdet.
Viktige tema i planarbeidet, som kommunedirektøren ynskjer innspel på, er utbyggingsomfang, føremål, i kva grad ein skal tillate tiltak ned mot elva, ivaretaking av skiløype/gangveg, rekkefølgjekrav til opparbeiding leikeareal og eigarskap til gangbrua over elva:
- Planen legg opp til ein høg utnytting med tre leilegheitsbygg. Det er ikkje fastsett størrelse på einingar og maksimalt tal. Dette ynskjer kommunedirektøren at blir fastsett til slutthandsaming.
- Planforslaget avvik frå overordna plan når det gjeld formål og opnar for kombinert formål for dei nye leilegheitsbygga. Det er krav om at minimum 120 av sengene i dei nye bygga skal vere til kommersiell utleige. Resten blir selt utan utleige-plikt, men tilrettelagd for frivillig utleige.
- Det er planlagt ein rekke tiltak ut mot elva. Det må i høyringa bli vurdert om det skal bli tillate i eit så stort omfang, eller om det bør bli innskrenka av omsyn til friluftsliv og naturverdiar.
- Turvegen langs Otra går gjennom planområdet. Planforslaget visar næringsformål heilt inn til skiløypa. Kommunedirektøren er uroa for ivaretaking av løypa gjennom området og vil før slutthandsaming vurdere å legg inn ein buffer på kvar side av løypa på 2-3 m.
- I gjeldande reguleringsplan er det regulert leikeareal på austsida av hotellet. Dette blir no bygd ned, og leikearealet er flytta til vestsida av hotellet. Kommunedirektøren vil vurdere å legge inn rekkefølgjekrav til opparbeiding av felta BLK1 og BLK2 til slutthandsaming.
- Gangbrua over elva er i planforslaget regulert til offentleg gangveg. Denne er i privat eige, og er bygd etter privat initiativ. Det er ikkje aktuelt for kommunen å overta eigaransvaret for denne brua, og kommunedirektøren vil difor vurdere eigna føremål på brua til slutthandsaming.
Dokument til saka finn du her (arealplanar.no)
Merknader til reguleringsarbeidet kan rettast til Bykle kommune, planavdelinga, Sarvsvegen 14, 4754 Bykle, innan 17.08.2025.