Kommunestyret handsama revidert planforslag for Lundane hyttefelt, planID 201904, i møte 20.03.2025, og gjorda følgande vedtak:
I medhald av plan- og bygingslova §§ 12-10 og 5-2 blir revidert planforslag for Detaljregulering av Lundane hyttefelt, planID 201904, lagt ut til offentleg ettersyn og avgrensa høyring i 4 veker.
Ein tek sikte på å oppheve delar av følgjande gjeldande detaljreguleringar for Hovden del 2 (PlanID 199701, vedteken 10.09.1997), Byrtemannsbekken (PlanID 201006, vedteken 30.05.2011) og Hovdeseter (PlaniD 200302, vedteken 08.12.2003), inkludert alle seinare planendringar, delplanar og tilhøyrande føresegner, ved godkjenning av detaljregulering for Lundane hyttefelt (PlanID 201904).
Kommunedirektøren har basert på tidlegare sak lagt fram revidert planforslag (plankart og føresegner) med redusert omfang som ivaretek landskap og omgjevnadar i tråd med overordna plan som balanserar utbygging av nye fritidsbustadar og formuttrykket på tilliggjande hytteområde (Straumetunet og Hovdesenter) med harmoniserte reguleringsføresegner og utnyttingsgrad for å sikre eit einskapleg uttrykk for områda sett under eitt og som ei trapping av bebygd område mot naturområda nordanfor. Det reviderte planforslaget ivaretek meir av den naturlege vegetasjon og terrenget innafor planområdet, sikrar meir grøntstruktur og skiløype med brei korridor gjennom planområdet, utviding av dagparkeringsplass med snøopplag til denne, og har innarbeidd areal for gang-sykkelveg langs Hovdesetervegen. Saka opplyser meir om tilhøvet til overordna plan og den reduserte planavgrensinga – då ein oppfatta at dette danna grunnlag for uklårheit sist.
Oversikt over saksdokumenta finn de på arealplaner.no her
Merknader til reguleringsarbeidet kan rettast til Bykle kommune, planavdelinga, Sarvsvegen 14, 4754 Bykle, innan 30.04.2025.