Bakgrunn og mål med planarbeidet
Detaljregulering for Granebu vart vedteke i januar 2025. Kommunestyret gjorde følgande vedtak:
1. I medhald av plan- og bygningslova § 12-12 blir detaljregulering for Granebu /nummer 201907 med tilhøyrande reguleringsføresegner vedteken.
2. Med blå andel på 25%.
3. Delar av reguleringsplanar for Hovden del 2 / 199701, vedteken 10.09.1997, og Hovden skisenter, utviding av parkeringsareal Z12i Hovden del II / 200915, vedteken 27.05.2010, inkludert alle seinare planendringar, delplanar og tilhøyrande føresegner, får konsekvensar for, blir oppheva.
4. Planutvalet ber administrasjonen kome tilbake med reguleringsendring på tilkomstveg frå Skisentervegen til Granebu(byggeområde) som vist i skisse framlagt i møte.
Planarbeidet er ei oppfylging av vedtakets pkt. 4. Formålet med reguleringa er å avklare endeleg utforming av tilkomstveg til Granebu og løysingar for framføring av skiløyper i området. Planarbeidet vil særleg sjå på følgande problemstillingar; moglegheit og trong for planfri kryssing av veg, framføring av parallell løypekorridor frå Skisentervegen til byggeområda i Granebu og konsekvensar av tiltaket for omgjevnaden.
Skisse framlagt i møtet ligg ved dette varselet. Dette er eit forslag frå forslagsstillar for detaljregulering for Granebu, og det er ikkje vedteke at løysinga blir slik.
Overordna planstatus
I kommuneplanens arealdel er området avsett til idrettsanlegg, fritids- og turistformål, vegformål og LNFR. Sjå kartutsnitt under.
I gjeldande reguleringsplanar er området avsett til friluftsområde, turveg, køyreveg med tilhøyrande annan veggrunn, parkering og skiløype. Sjå kartutsnitt under.
Konsekvensutgreiing
Planen omtalar ein tilrettelegging for betre framføring av løype i eit allereie vedteken utbyggingsområde, og planlagde tiltak utløyser ikkje krav om konsekvensutgreiing jf. forskrift om konsekvensutredninger §§ 6 og 8 og/eller etter Folkehelselova § 11, helsekonsekvensutredning.
Utbyggingsavtale
Det er aktuelt med utbyggingsavtale med grunneigarar tett på planområdet som skal bygge ut sine areal. Det blir av den grunn varsla oppstart av arbeid med utbyggingsavtale for det aktuelle området. Avtalen vil gjelde partar saka gjeld, som utbyggjarar, grunneigarar og kommunen, og vil avklare forhold som gjeld utbygging av området.
Innspel, samråd og medverking
Dette brevet blir sende til alle grunneigarar og naboar saka vedkjem, samt offentlege myndigheiter for at dei skal få høve til å kome med sine kommentarar. Som part saka vedkjem kan du påverke korleis planen blir. Eventuelle kommentarar, merknadar, opplysningar mv. som er av verdi eller av interesse for planarbeidet kan sendast skriftleg til:
- Bykle kommune, Sarvsvegen 14, 4754 Bykle
- e-post: post@bykle.kommune.no
innan 19. oktober. Merk brevet/e-post med saksnummer 2025/539.
Om planen vil ha verking for eventuelle leietakarar, ber vi deg informere dei.
Innspel til planarbeidet vil følge saka som vedlegg, og kommunen vil vurdere og kommentere dei når planen blir fremma til politisk fyrste gongs handsaming før offentleg ettersyn/høyring av planforslaget. Det blir normalt ikkje gitt skriftleg svar på innspela utover dette.
Spørsmål om planarbeidet kan rettast til planleggjar Anne S. Lislevand, tlf. 922 68 146, e-post anne.lislevand@bykle.kommune.no.