Vaksinasjon av vaksne i haust - dette bør du vite

I haust blir det sett i gang vaksinasjon ved legekontora både i Bykle og Valle. Årleg influensavaksine er tilrådd for alle som er 65 år og eldre, dei under 65 år som har kroniske sjukdomar eller annan risiko, gravide i 2.- og 3. trimester og ikkje minst helsepersonell.

Publisert av Ole Birger Lien
Publisert 01.10.2025 09:36
Sist endra 01.10.2025 09:36
Ole Birger Lien

Her er informasjon om andre vaksiner:

Koronavaksine (oppfriskingsdose)
Tilrådd årleg for:

  • Personar som bur i omsorgsbustader og sjukeheimer 
  • Aldersgruppa 75 år og eldre 
  • Personar mellom 18-74 år som høyrer til ei risikogruppe
  • Barn mellom 12-17 år med alvorleg grunnsjukdom

Pneumokokkvaksine

  • Tilbod til alle som fyller 65 år i løpet av året
  • Vernar mot alvorleg lungebetennelse og blodforgifting

  Organisering

  • Bykle/Hovden legekontor og Valle legekontor har ansvar for å setje vaksinene til innbyggjarane i kommunane
  • I Bykle/Hovden: Pasientar tek kontakt og får sett vaksine etter avtale
  • I Valle: Vaksinering skjer på Valle helsestasjon 21., 24. og 30. oktober og 4. november. Dei som allereie har bestilt vaksine, vil få SMS med dato og klokkeslett. Dei som ikkje har bestilt enno, kan kontakte Valle legekontor for å avtale tid
  • Påminning blir sendt til alle over 65 år som ikkje har vaksinert seg innan 15. november

 Eigenandel

  • Oppmøte: 65 kr (gratis med frikort)
  • Influensavaksine: 101 kr
  • Koronavaksine: 85 kr
  • Pneumokokkvaksine: 110 kr