Tur til gapahuken ved Juvet som startskot på TV-aksjonen

Opplegget er laga slik at det skal bli ein fin familietur - med samla oppstart frå dagsparkeringa ved innkøyringa til Hartevassvegen klokka 12. Dei som vil det kan også køyre heilt inn. 

– Turen passar for store og små, og dei som vil fortsette vidare mot Hartevasstjørn kan sjølvsagt det, seier leiar i Bykle frivilligsentral, Stine Rambekk Gulowsen.

Vel framme ved gapahuken blir det gratis grillpølser på alle, så det kan vere lurt å ha med kniv eller anna så ein kan lage seg “grillspyd” og få fram skikkelege lekkerbiskenar over bålpanna!