Trafikk og trivsel i og rundt Hovden sentrum

Sigurd Wiberg i Statens vegvesen (t.v.) og Bykle-ordførar Hans Blattmann med planane over Hovden sentrum. Bykle kommune

Blattmann og senioringeniør i Statens vegvesen, Sigurd Wiberg, strekar under at det er ingen grunn til uro for at Skisentervegen skal stenge – sjølv om omkjøringsvegen blir bygt. 

– Omkjøringsvegen skal legge til rette for at gjennomgangstrafikk (dei som ikkje skal stoppe og handle) og tungtransporten ikkje skal kjøre gjennom sentrum, seier dei.

Planleggje tiltak i sentrum

– Det neste vi no må gjere er å planlegge og prosjektere tiltak i sentrum som gir god lokal trafikkavvikling, og at vi optimaliserer og kombinerer omsyna til handel og miljøtiltak. Me gler oss over at sentrum er i utvikling, og at det veks fram næringsverksemder også i sentrum vest! Det vil også vere aktuelt å sjå på oppgradering av Otravegen att for å kanalisere noko av lokaltransporten inn på brua og Skisentervegen også, seier Blattmann.