Solid Civis-respons for Bykle kommune
Sist veke sendte Bykle kommune ut oppmoding om at alle som er interessert i kommunen bør laste ned appen Civis og få nyheitsvarslingar der. Responsen har vore solid.
Publisert av Ole Birger Lien
Publisert 16.01.2024 10:39
Sist endra 16.01.2024 10:39
Digitaliseringsansvarleg i Bykle kommune, Vidar Johnsen, gler seg over Civis-respons.
Ole Birger Lien
Civis er ein app til å sende ut såkalla pushvarsel om nyheiter kommunen legg ut på heimesida. Til no har over 1700 personar lasta ned appen og klikka for å fylgje Bykle kommune.
– Me er nøgde med responsen, men me vil gjerne ha endå fleire brukarar. Potensialet er stort med tanke på kor mange menneske som har fritidsbustad i kommunen, seier digitaliseringsansvarleg i Bykle kommune, Vidar Johnsen.
Gratis å bruke
Civis er gratis å laste ned og å bruke. I appen er det i tillegg til pushvarsel for nyheiter ein sjølvbetjeningsfunksjon der ein kan finne alt frå viktige telefonnummer til aktuelle politiske saker, arkiv, postlister og ulike søknadsskjema.
– Den delen av Civis er me i stadig utvikling med, seier Johnsen.
For den som vil laste ned Civis er det bare å gå inn på heimesida til Bykle kommune. Der ligg ein link og ventar.
HER kan du gå inn!