Skidag for ukrainske flyktningar
Sist veke skipa frivilligsentralen i Bykle skidag for dei ukrainske flyktningane på vaksenopplæringa på Hovden. Det vart ein strålande dag på langrennsarenaen.
Publisert av Ole Birger Lien
Publisert 15.03.2024 09:48
Sist endra 15.03.2024 09:48
Vaksenopplæringa på Hovden på skidag.Dei fleste ukrainarane hadde aldri hatt ski på beina før, men innsatsen var det i alle fall ingenting å seie på! Elisabeth Premak, Anja Holmeide og Olav Aslak Bjåen tok på seg instruktørrolla og fekk lære frå seg eitt og anna triks - og deltakarane plukka opp og tok med seg alle gode råd! Skisenteret såg til at alle hadde topp utstyr å tumle på!
Lått og moro
I løpet av den innhaldsrike dagen vart det nok litt knall og fall, men ikkje verre enn att låtten sat laust på arenaen.
– Det vart spøkt med at no er dei klare for Hovdentour, så optimismen var i alle fall på plass, seier leiar for Bykle frivilligsentral, Merete T. Egeland.
Vaksenopplæringa i Bykle skal også ha skidag med det første.
Dei ukrainske flyktningane fekk ein strålande dag som ramme om skidagen.