Rv9-parsell Byklestøylane-Hoslemo opnar onsdag 23. oktober!
Det blir vegfest på riksveg 9 i Bykle onsdag 23. oktober klokka 10. Då opnar parsellen Byklestøylane-Hoslemo.
Publisert av Ole Birger Lien
Publisert 17.10.2024 15:10
Sist endra 17.10.2024 15:10
Rv9-parsellen Byklestøylane-Hoslemo opnar onsdag 23. oktober klokka 10.
Håvard Sandkjær Fjærbu
Opninga går føre seg ved Skarsmo rasteplass, der det også er parkering. Det blir snorklypping og helsingar, kulturelle innslag og stor festivitas for endå ein ny riksveg 9-del i mål fram mot gul midtstripe like til Hovden sentrum!
Statssekretær klypper snora
Statens vegvesen og Bykle kommune skipar til opningsfesten. Det er statssekretær i samferdsledepartementet Cecilie Knibe Kroglund (Ap) som får æra av å klyppe snora. Det blir enkel servering på dei som møter opp.
– No håpar me mange vil vere med oss i å markere endå eit viktig steg på vegprosjektet i Setesdal, seier plansjef i Bykle kommune, Signe Sollien Haugå.
Staden er altså Skarsmo rasteplass - og tida er klokka 10!