Rimelegare barnehageplassar i Bykle alt frå januar neste år
I Statsbudsjettet har prisen på barnehageplassar blitt redusert til maksimalt 2000 kr. i månaden i byar og større stader og 1500 kr. i månaden i kommunar som Bykle med verknad frå august 2024. I Bykle kommune gjeld likevel rabatten alt frå januar av.
Publisert av Ole Birger Lien
Publisert 22.12.2023 14:23
Sist endra 22.12.2023 14:23
Barnehageborn i Bykle i ivrig leik. Frå nyåret av blir barnehageplassane rimelegare.
Ole Birger Lien
Det er fordi kommunestyret i Bykle i sist møte sa ja til å innføre maksprisen på 1500 kr. i månaden for full plass alt frå årsskiftet. Både med tanke på rekruttering og folketal er barnehage ein viktig faktor. Rimelege barnehageplassar vil vere viktig i så måte.
– Me har rullerande opptak heile året, seier barnehageleiar i Bykle kommune, Caroline Rysstad.
Bykle-barnehagane har dei siste åra utmerka seg med svært høg skår i fleire nasjonale undersøkingar. Kvaliteten på tenesta er udiskutabel - og frå januar av altså også rimelegare enn tidlegare.