Reinhaldarar frå Bykle og Valle samla til fagdag
Det handla om ergonomi og korleis å unngå belastningsskadar i eit hardt yrke då reinhaldarar frå kommunane Bykle og Valle samla seg til fagdag i soknehuset på Rysstad nyleg.
Publisert av Ole Birger Lien
Publisert 22.05.2025 09:32
Sist endra 22.05.2025 09:32
Renhaldarar i kommunane Bykle og Valle samla på fagdag.
Valle kommune
Offentleg felles innkjøp på Agder (OFA) stod bak fagdagen der ein i tillegg til å lære meir om korleis ein kan halde seg i sving sjølv om ein har eit fysisk krevjande yrke også skulle lære seg å bruke Twister pads - ein slag maskinell golvvaskar.
– Det deltok kring 30 personar. Det gode oppmøtet viser vel også kor viktig temaet er. Me fekk både teoretiske og praktiske innføringar, seier leiar reinhaldstenester i Valle kommune, Hilde Kiland-Bjåen.