Opprydding i båtane som ligg i Hegni-området

Alle båtar i Hegni-området skal merkast med eigar sitt namn og telefonnummer i sommar. Fristen for å merke båten er 1. juli.

Alle som eig ein båt som ligg i Hegni-området blir bedne om å merke båten tydeleg med namn og telefonnummer innan 1. juli 2025.

– Båtar som ikkje er merka og ikkje har kjent eigar, vil bli fjerna i løpet av sommaren, seier Helga Jacobsen i Bykle kommune.

Kan få hjelp

For båteigarar som ikkje har sjans til å merke båten sin innan fristen finst det råd.

– Tar ein kontakt med kulturavdelinga i Bykle kommune kan me hjelpe med å få merkinga på plass. Målet er at me alle skal bidra til å gjere Hegni til ein rein og triveleg stad for alle, seier Helga Jacobsen.