Opninga av ny gang- og sykkelveg i Bykle flytta til botnen av Øyreviksbakkane
Torsdag 19. juni klokka 12 blir den nye gang- og sykkelvegen i Øyreviksbakkane i Bykle opna. I invitasjonen til opninga heiter det at seremonien skal gå føre seg øvst i bakkane - no er dette endra til i botnen av bakkane.
Publisert av Ole Birger Lien
Publisert 17.06.2025 13:32
Sist endra 17.06.2025 13:32
Bakgrunnen for endringa er enkelt og greitt trafikktryggleiken - det er betre oversikt og kontroll viss ein har opningsseremonien i botnen av bakkane. Dag og tid er uendra.
Ungdomsleiar klypper snora
Ordførar Hans Blattmann ynskjer velkomen før Sigurd Wiberg i Statens vegvesen orienterer om prosjektet. Nomeland maskin AS greier ut om oppdraget og gjennomføringa før det blir innslag ved Bykle barne- og ungdomsskule. Leiar i Bykle ungdomsråd, Sille Kjøstvedt, klypper snora. Det vankar kaffi og is på alle som kjem, så her er det bare å sette av tida!
Den nye gang- og sykkeltraseen er på 670 meter, og har eit totalbudsjett på kring 3,5 mill. kr.