Nasjonal test av nødvarsel onsdag 10. januar klokka 12

Onsdag 10. januar er det nasjonal test av tyfonar og nødvarsel via mobil.

Det er politiet som sender ut nødvarsel via mobil. Sivilforsvaret testar tyfonane med signalet “Viktig melding - søk informasjon”. I alt er det plassert ut kring 1250 tyfonar landet rundt. Det betyr at samstundes som tyfonane uler, kjem mobiltelefonar til å vibrere og spele av eit høgt lydsignal. 

Til alle nye telefonar

Mobilvarslinga går til alle nyare og oppdaterte mobiltelefonar. Viss ein ikkje ynskjer varsel, må ein sette mobilen i flymodus eller slå den av. Lydløs-modus er ikkje nok, den innstillinga blir overstyrt av varslinga.

HER kan ein lese meir om nødvarsel.