Mange med på Hovden Summer Games
Nyleg skipa elevane på Hovden skigymnas til eit mini-OL for elevar på Fjellgardane skule og Bykle skule. Hovden Summer Games vart ein stor suksess!
Publisert av Ole Birger Lien
Publisert 18.06.2025 12:10
Sist endra 18.06.2025 12:10
Frå Hovden Summer Games.
Hovden skigymnas
Skigymnas-elevane stod for både planlegging og gjennomføring, og det var elevar frå 7-10. klasse som deltok i sommarleikane på Hovden. Dei kasta seg ut i ulike øvelsar som kulestøyt, støvelkast og båltevling.
Heiagjeng
Born frå barnehagen og barneskulen på Hovden kom til grilling og kaker midt på dagen, og var ein solid heiagjeng i den siste og avgjerande Master-stafetten.
