Magiske tonar med saksofonist på Jarebu

30-35 menneske fekk med seg konserten med saksofonist Harald Lassen på Jarebu i Bykle onsdag. Lars Erik Domaas

Den merriterte musikaren skal innom alle dagsturhytter i Agder med saksofonen i juli - onsdag var han både i Bykle og seinare på dagen på Lauvåsloptet i Valle. Begge konsertane vart opplevingar der 30-35 frammøtte fekk høyre og sjå musikk og natur kome saman - og heldigvis med fint sommarver som ramme.

Improviserte

Harald Lassen har vore profesjonell musikar i nær 15 år. Han har gjeve ut fleire album, fått Spellemannspris og samarbeidd med artistar som Arild Andersen og Sondre Lerche. Ved Jarebu let han naturen styre saksofonen - han improviserte etter kjenslene staden gav han, og folk sette stor pris på framføringa. I kring ein halv time let Lassen saksofonen prate - og publikum sette stor pris på opplevinga.

Musikar Harald Lassen leverte i Bykle. Grete Breivik