Løypekøyringa i Bykle kommune i full gang att
Etter innskrenkingar og restriksjonar med tanke på løypekøyring i Bykle kommune er det no prepping som vanleg att.
Publisert av Ole Birger Lien
Publisert 10.04.2024 12:56
Sist endra 10.04.2024 12:56
Det har vore fleire retsriksjonar i samband med løypekøyring i Bykle kommune i vinter, som avbøtande tiltak for villreinen. No er køyringa i vanleg gjenge att.Det har vore av omsyn til villreinen, som har hatt krevjande forhold øvst i dalen, at det i vinter har blitt innført fleire restriksjonar i samband med løypekøyringa. Fleire av løypene har blitt mellombels stengte, i alle fall har det ikkje blitt køyrt opp trasear med maskin.
– No er alt i vanleg gjenge att, seier Sigrid Bjørgum i Bykle kommune.
Løypekøyringa held fram så lenge det er forhold til det, men blir uansett avslutta 1. mai.