Kven bør få Setesdalsprisen 2024?
Framleis kan ein sende inn forslag til kandidatar til Setesdalsprisen 2024, men no er det bare tida og vegen. Forslag må sendast seinast måndag 28. oktober klokka 12.
Publisert av Ole Birger Lien
Publisert 21.10.2024 13:43
Sist endra 21.10.2024 13:43
Bykle-ordførar Hans Blattmann er styreleiar i Setesdal regionråd. No vil regionrådet ha forslag på kandidatar til Setesdalsprisen. Fristen for å sende inn forslag er måndag 28. oktober.
Ole Birger Lien
Prisen skal delast ut under Setesdalskonferansen 7. november på Revsnes hotell på Byglandsfjord. Ein jury med ordførarane i Setesdal regionråd, lokalt tiltaksapparat, Innovasjon Norge og Agder fylkeskommune står for kåringa.
Innsats over tid
Prisen kan gå til drivar eller privat verksemd i kommunane Bykle, Valle, Bygland, Evje og Hornnes og Åseral som over tid, eller det siste året, har virka på ein særleg positiv og fortenestefull måte. Det kan handle om alt frå å ha skapt arbeidsplassar til banebrytande utvikling, lønsemd, positiv merksemd eller å på annan måte ha utmerka seg positivt til beste for verksemda og næringslivet i regionen.
HER kan du sende inn forslag til kandidat.