Kulturbussen ved Hovden grendehus i drift att

Kulturbussen ved Hovden grendehus er i sving att. Bykle kommune

Private og lag og organisasjonar kan låne Kulturbussen gratis for frakt av born og unge innafor Bykle kommune. Dette kan til dømes vere mellom Bykle og Hovden for transport til idrettsaktivitetar eller liknande. 

Kan leige til turar

Lag, foreningar og organisasjonar kan også leige bussen mot betaling. Dette kan være til bruk utanfor kommunen og også til overnattingsturar, men skal helst vere for kortare perioder på ei eller to netter. Skal det vere meir enn dette må det særskilt avtalast på førehand og det er ei forutsetning at bussen er ledig. For kommunale einingar er det vanleg praksis, leige mot kilometersats. Det er ikkje råd å leige Kulturbussen til privat bruk.