Innhaldsrikt program for turgruppa i Aktiv på dagtid i Bykle i mai

Bykle kommune

Onsdag 7. mai blir det grilltur rundt Otrosåsen med avgang frå Hovden grendehus klokka 10.50 for dei som ynskjer skyss til langrennsarenaen. Det er oppmøte på arenaen klokka 11. Grillinga blir på utkikkspunktet, og folk må ta med drikke. Pylsene tar frivilligsentralen seg av.  Onsdag 14. mai er det tur til Børtemannsbekken med oppmøte Hovden grendehus klokka 10.50 for dei som ynskjer skyss, og turstart frå parkeringsplassen ved Raudekross-hytta klokka 11. Onsdag 21. mai er det tur i nærmiljøet ved Hovden grendehus.

Dagsturhytta

Onsdag 28. mai er det lagt opp til tur til dagsturhytta Jarebu. Skyss frå Hovden grendehus går klokka 10.30 - og frå Coop Prix i Bykle klokka 11 for dei som vil ha skyss til turstart. Turen tar til kring klokka 11.15 frå parkeringsplassen på baksida av Jarekollen. Her må ein ha med mat og drikke. Frivilligsentralen stiller med kaffi, te og kjeks. Dette er ei såkalla grøn løype, ein enkel sti med jamn stigning opp til ei flott utsikt over både Austeheia og Vesteheia.

Har du spørsmål? Ta kontakt med turleiar Susanne Bergstø på tlf 92117233.