Informasjonsmøte for lokalt næringsliv i Bykle kommune
Bykle kommune skipar til informasjonsmøte for lokalt næringsliv i kommunen på Hovdestøylen tysdag 11. mars. Tema for dagen er innkjøp i Bykle kommune.
Publisert av Ole Birger Lien
Publisert 03.03.2025 12:18
Sist endra 10.03.2025 08:27
Den som vil melde seg på til informasjonsmøte om innkjøp i Bykle kommune gjer det via epost til næringsrådgjevar Bjørn Otto Eliassen i Bykle kommune.
Ole Birger Lien
Frå klokka 10-12 skal kommunen få ut ein heil del informasjon, og det er ope for innspel frå deltakarane og drøftingar om temaet. I etterkant av møtet vankar det ein enkel lunsj på alle som har vore med.
Om lovverk og leverandøransvar
Ein skal innom ei heil rekke deltema under møtet. Kommunens innkjøpsregelverk, tildelingskriteria, leverandøransvar, dokumentasjon leverandør må ha kontroll på og kommunal praksis skal gåast gjennom. Også litt om dialog med lokalt næringsliv, oppdeling av kontraktar, samarbeid mellom leverandørar og opplæring av leverandørar innan digitale svar står på agendaen.
Drøftingsrunde
Som avslutning på møtet blir det ein drøftingsrunde der ein mellom anna ser på om det er eit handlingsrom der ein kan gje lokale verksemder fordelar, korleis kommunen kan gje betre informasjon i forkant av planlagte innkjøp og ikkje minst innspel frå næringslivet.
Den som vil melde seg på kan gjere det via Bjørn Otto Eliassen i Bykle kommune: bjorn.otto.eliassen@bykle.kommune.no