Ikkje open dør hjå Bykle-ordføraren i dag

Etter planen skulle Bykle-ordførar Hans Blattmann ha hatt open dør i kontoret sitt i dag, men open dør-dagen må utsettast.

Open dag er ei ordning som tidlegare ordførar Jan Dagfinn Dalen innførte. Tanken er enkel. Kven som helst kan troppe opp, utan avtale, og ta opp det ein har på hjarta, med ordføraren. 

Avlyst i dag

Hans Blattmann har vidareført ordninga, men så må altså den opne dagen i dag tysdag 27. mai i Bykle rådhus avlysast. Ordføraren lovar likevel nye rundar med open dør utetter hausten. Me kjem tilbake med datoar og tidspunkt når alt er klart.