I dag 12. mai er Nynorskdagen!

I dag nyttar 87 av i alt 357 kommunar i Noreg nynorsk som skriftspråk.

– Ein reknar med at kring 600.000 menneske i Noreg har nynorsk som hovudmål. Viss ein reknar med dei som nyttar nynorsk av og til blir sjølvsagt talet høgare, seier Erik Grov i Noregs Mållag.

– Viktig del av identiteten

Bykle-ordførar Hans Blattmann ser på Nynorskdagen som ei symbolsk, men viktig markering.

– Bykle er ein nynorskkommune, og det er eit ansvar me tar på alvor. I så måte er ein nasjonal nynorskdag ei fin markering av at me faktisk har to skriftspråk i Noreg, seier han.