Hugs namn og adresse i e-postar til Bykle kommune!
Folk som sender inn e-post til Bykle kommune, og ynskjer svar, må hugse å skrive namn og adresse i e-posten.
Publisert av Ole Birger Lien
Publisert 20.06.2024 08:42
Sist endra 20.06.2024 08:42
Mette Gjerden i Bykle kommune minner om at ein må ha med namn og adresse i e-postar ein sender inn til kommunen.
Ole Birger Lien
– Viss ikkje blir det utfordringar med tanke på arkivering, og ikkje minst med tanke på svar ut. Me får store problem med å finne att relevante dokument, seier arkivleiar i Bykle kommune, Mette Gjerden.
Blir lagra på namn
Alt som kjem inn blir lagra mellom anna på namn og adresse. Då seier det seg sjølv at det er viktig å ha dei opplysningane med i det ein sender inn.
– Dei fleste veit dette, men ikkje alle. Difor er det greitt med ei påminning, seier Gjerden.
E-postadressa for den som vil sende noko inn til Bykle kommune er postmottak@bykle.kommune.no