Halvparten av alle flyktningane i Bykle kommune har fått seg arbeid

I ei fersk undersøking frå NAV Midt-Agder kjem det fram at 50% av alle flyktningar i Bykle kommune har fått seg arbeid utanom introduksjonsprogrammet. Det er langt over både lands- og fylkessnittet.

I Noreg per mai 2025 er snittet av flyktningar som har fått seg ordinært arbeid 44% av alle flyktningar. I Agder er same snittet 38%. Bykle kommune skårar altså godt over dette, med halvparten av alle flyktningar i arbeidsalder i ordinær jobb.