God respons på lokal eigenberedskapsveke i Bykle og Valle

– Beredskap er viktig, og ein god respons viser også at folk flest ser at dette er eit område der både det offentlege men også den enkelte må ta ansvar. Det er godt å sjå, for det er når alle gode krefter arbeider saman at ein kjem lengst, seier beredskapsansvarleg i Bykle kommune, kommunedirektør Karina Sloth.

– Ikkje minst det at Bykle og Valle kommune har formelt beredskapssamarbeid gjer oss meir budde den dagen det trengst. På det viset er ei lokal satsing som me har hatt no viktig, meiner beredskapskoordinator i Bykle kommune, Vidar Johnsen.

Mange delområde

I løpet av sist veke gjekk kommunane ut med informasjon om alt frå bortfall av straum til kva ein treng i eigenberedskapslageret sitt. Med aktuelle lenker til gode råd i Direktoratet for samfunnssikkerhet og beredskap (DSB) finn ein nyttig informasjon om det meste som handlar om beredskap. Til hausten er det klart for nasjonal eigenberedskapsveke - også då er kommunane Valle og Bykle med.

HER er lenke til DSB

Informasjon om den nasjonale eigenberedskapsveka finn du HER

Fekk du med deg ordførarduellen mellom Bykle og Valle om eigenberedskap? 

HER ER LENKE TIL ARTIKKELEN OG FILMEN!