God effekt av arbeidstrening i Fjellgardshallen

Arbeidsleiar Heidi Lysdahl og Victor på hesten i Fjellgardshallen i sommar. Fjellgardshallen

Ukrainske flyktningar har vore i sving i hallen med stallarbeid som møkking, foring, rydding og gjerding. Også hestestell er viktig, og somme har prøvd seg på hesteryggen. Det har også vore snikring, hindermateriell som hestane kan hoppe over må til i ein ridehall!

Mykje sosialt

I tillegg til den omfattande arbeidstreninga knytta til hest og ridning har flyktningar og dei som driv i hallen laga mat saman, fått god tid til det sosiale, og det har blitt mange gode samtalar. 

– Ingen dag i Fjellgardshallen er lik, så det blir variert og spennande. Me har rett og slett hatt ein super sommar saman, seier arbeidsleiar Heidi Lysdahl.

Den gode arbeidstreninga har mellom anna resultert i at flyktningar som skulle lære seg norsk har blitt så gode at dei kan vere tolkar for andre flyktningar! 

Å snikre hinder for sprangridning var ei av mange oppgåver under arbeidstreninga i Fjellgardshallen. Fjellgardshallen