Glad jolequizvinnar klar for friske fjellturar!
Astrid Skoge vann Bykle kommune sin jolequiz, og slår fast at premien skal brukast mykje!
Publisert av Ole Birger Lien
Publisert 23.02.2024 13:12
Sist endra 23.02.2024 13:14
Astrid Skoge med premien i Bykle kommune sin jolequiz.25-åringen vart trekt ut blant over 100 som hadde sendt inn rett svar i quizen. Nyleg kom premien, ein dagstursekk og dessutan ein termos, i posten heim til henne i Arendal.
– No er eg klar for mange turar, og eg er veldig nøgd med gevinsten, seier ho.
Over 100 personar kasta seg altså med i jolequizen, så alt tyder på at viss ein ny quiz ser dagens ljos så skal det ikkje mangle på deltakarar!