Forbod mot saltsteinar og foring av hjortevilt

CWD, eller skrantesjuke som det blir kalla, er eit trugsmål mot dyra, og noko som blir bekjempa med ulike tiltak. Eitt av dei er altså forbodet mot saltstein og foring av hjortevilt. Bykle Viltutval seier at dei stør tiltaka og kampen mot sjukdomen.

– Vårt felles mål er å forvalte hjorteviltet i friske og livskraftige, naturlege bestandar. Det bør ein greie utan saltstein og ekstraforing. Under ekstreme forhold der viltet svelt på grunn av mykje snø, ising og vanskeleg framkomelegheit, er det opna for å gje løyve til tilleggsforing for å sikre god dyrevelferd. Slikt løyve er det Mattilsynet som kan gje, skriv viltutvalet i ein uttale.