Bykle med på karriereveke på Universitetet i Agder

På karriereveke på UIA!. Frå venstre: Martine Vik, Even Fredriksen, Magnus Bjørgen Marstad og Viktoria Slapgaard. Bykle kommune

I to dagar gjorde delegasjonen sitt beste for å vise fram alt det Bykle kommune har å by på, både som arbeidsgjevar og bustad. 

– Me har mellom anna hatt fokus på oppvekst, og bleieskifttevlinga var jo ein del av det - med glimt i auga. Me var godt synlege i “uniformene” våre, smiler Martine Vik i Bykle kommune.

Det har ho saktens rett i, heile gjengen kom i rosa T-skjorter, og med alt frå drikkeflasker til fine premiar i tevlingane.

Rekruttering

Bykle kommune er aktivt med på alt frå utdanningsdagar til karriereveke og studentmesser for å rekruttere arbeidskraft til kommunen øvst i Setesdal. Under karriereveka fekk gjengen frå Bykle god respons og mykje interesse frå studentar frå heile utdanningsinstitusjonen. Det lovar godt!