Bykle kommune skipar til påskemøte med hyttevelforeiningane
Tradisjonen tru møter Bykle kommune hyttevelforeiningane i påska. Staden er Hovden grendehus onsdag 16. april klokka 09.00.
Publisert av Ole Birger Lien
Publisert 03.04.2025 09:39
Sist endra 03.04.2025 09:39
Det er påskemøte i Hovden grendehus onsdag 16. april klokka 09-11.
Ole Birger Lien
Ordførar Hans Blattmann er møteleiar der ei rekke tema skal opp. Den første bolken tar for seg kommunal informasjon til hyttebyklarane. Strategisk utvikling Hovden og Midt-regionen, sti- og løypeplanlegging, løypeavtalar, løypekøyring, beredskap, friluftsliv og mykje meir står på programmet.
Ressursgruppa
Jon Helle frå Ressursgruppa skal presentere ulike tema, moment og forventningar til ny arealdel, sti- og løypeplan og ulike ynskje om tilretteleggjingstiltak og potensiale for samarbeid framover. Av andre aktuelle tema denne dagen er villreinomsyn og ferdsle med Guro Sødergren frå SNO, status Hovden Badeland ved Torvald Gautland og Landskappleiken 2026 ved Knut Erik Jordstøyl. Som avrunding på påskemøtet blir det opna for spørsmål og drøfting. Møtet i grendehuset held på til klokka 11.