Det blir fagdag om myr i Bykle 26. september.Fagdagen blir skipa til på Bykle hotell, men også med ei synfaring rundt i relevante område som del av opplegget. Anders Lyngstad, forskar i Norsk institutt for naturforsking introduserer myr som tema og tar for seg myr som naturtype i første del av dagen.
– Han ser på både ulik myr, variasjonar og verdiar. Me har engasjert Lyngstad til å hjelpe oss med kunnskapsgrunnlag om myr i forbindelse med ny arealdel til kommuneplan, seier plansjef i Bykle kommune, Signe Sollien Haugå.
Kulturminne
Snorre Haukalid, leiar i kulturvernseksjonen i Agder fylkeskommune, tar for seg temaet myr og kulturminne. Haukalid skal også drøfte myr, kulturminne og formidlingspotensial i Bykle, før Signe Sollien Haugå og Sigrid Bjørgum i Bykle kommune tar for seg kommuneplanen sin arealdel.
Bevaring og skjøtsel
Etter lunch skal deltakarane ut i felt. Ein skal sjå på myr som bevaringsobjekt, skjøtsel, myr og hyttebygging, myr som dyrkingsressurs og myr som kulturminne med tanke på kunnskap og formidling.
Frist for påmelding er fredag 20. september. Ein kan melde seg på via epost her: HER
Påmeldinga må merkastr fagdag myr. For eksterne deltakarar er prisen for fagdagen 700 kr. Då er lunch og transport på synfaringa inkludert.
– No håpar me at mange kjem og blir med oss denne dagen, seier Signe Sollien Haugå.