Ann-Torill Briksdal, Konsernsjef Hovden Alpin Resort, Merete T. Egeland, Fagleiar Frivilligsentral og Rebecka Johansson Hovden Alpinsenter.Ordninga kjem i staden for ei kommunal utlånsordning.
– Skisenteret har stor utstyrspark og folk med kompetanse som kan tilpasse utstyr til den enkelte. Det er snakk om både alpin, langrenn og snowboard, sko, stavar og hjelm, seier Merete T. Egeland.
Ho har hatt hovudansvar for utlånsavtalen.
– Det er bare å takke for godt samarbeid. Dette er vinn-vinn, og kjem alle fastbuande til gode, slår ho fast.
Ordninga skal i første omgang gjelde komande vintersesong, før avtalen skal evaluerast. Skulane i kommunen har delteke i prosessen og er med i ordninga.
Folkeregistrert i kommunen
Lånetilbodet gjeld for dei som er folkeregistrert i Bykle kommune. Skilånekortet er laga av kultur og fritid i Bykle kommune, og kan hentast i resepsjonen i Hovden grendehus eller i biblioteket i Bykle samfunnshus. Kvar gong ein skal låne utstyr, må ein vise fram gyldig skilånekort. Lånetakar må vere minst 10 år for å låne utstyr aleine, og ein kan låne utstyret i inntil to dagar om gonga. Ein kan bare låne eitt sett utstyr om gonga, og den som lånar utstyret er økonomisk ansvarleg viss ein skulle øydeleggje noko.
– No håpar me at mange nyttar høvet, på dette viset treng ein ikkje kjøpe dyrt utstyr for å prøve seg til dømes i alpinbakkane, seier Merete T. Egeland.
For opningstider i grendehuset og samfunnshuset kan ein sjå på kultur og fritid på heimesida til Bykle kommune HER.