Bykle kommune delte ut tre utviklingsstipend 17. mai

Dei fekk utviklingsstipend av Bykle kommune 17. mai. Frå venstre Selma Hovden, Hedda Lamark og Malin Dale. Helga Jacobsen

Selma Hovden er ein målretta sprangryttar med fleire sterke resultat både nasjonalt og internasjonalt. Ho har vist jamn framgang, og har ambisjonar om å tevle på endå høgare nivå enn ho gjer i dag. I år er målet å kvalifisere seg til Oslo Horse Show, det største inertnasjonale stemnet her til lands. Ho planlegg vidare satsing gjennom toppidrettslinja på Melsom vgs i Vestfold.

Dans

Malin Dale er ein talentfull dansar som har svinga seg både gjennom vidaregåande skule og som medlem av dansekompaniet KRS Urban. Ho har delteke på arrangement som Battle of the South, skuleframsyningar og nasjonale tevlingar. Ho har ambisjonar om å tevle i både NM og EM i street-styles.

Sprangridning

Hedda Lamark fekk utviklingsstipend for å finspisse nivået i sprangridning. Ho har tevla regionalt, og har ambisjonar om å vere med både på nasjonale og internasjonale stemne. Sjølv om ho måtte takle ei stor utfordring med tap av den førre hesten sin, har ho vist stor viljestyrke med å satse vidare. Ho kombinerer satsinga med skulegang på Melsom vgs på linja toppidrett hest.