Barnehagetilsette i Bykle og Valle har fått opplæring i Stine Sofie barnehagepakke
Tilsette i barnehagane i Bykle, Valle og Åseral har nyleg vore gjennom opplæring i Stine Sofie barnehagepakke i regi av Stine Sofies stiftelse - for å styrke kompetansen med tanke på mellom anna å kunne oppdage det viss born er utsette for vald eller overgrep.
Publisert av Ole Birger Lien
Publisert 13.05.2025 10:47
Sist endra 13.05.2025 10:48
Knut Katerås (t.v.) og Ole-Morten G. Mouridsen har hatt opplæring for barnehagetilsette i Bykle, Valle og Åseral.
Bykle kommune
Stine Sofie barnehagepakke skal auke handlingskompetansen hjå barnehagetilsette. Det er spesielt fem element opplegget har fokus på: eigen kunnskap om vald og overgrep mot born, personlege faktorar som mot og vilje til å reagere, tru på systemet og at det nyttar å melde frå, organisasjonskultur som opnar for å drøfte og handle ved bekymring og eige verdisyn kring born som truverdige vitne for eige liv.
Fysisk og på nett
Stine Sofie barnehagepakke blir gjennomført med både fysiske samlingar og på nett. Etter samlingar blir ny kunnskap iverksett i praksis i barnehagane. Tematikken frå opplæringa skal arbeidast med systematisk over tid - slik at kunnskapen blir styrka også etter opplæringa.