Kommunale anlegg
Kommunen har bygd fleire anlegg på tettstadene Bykle og Hovden:
- Idrettsplassar for fotball, trening, friidrett, skøyter
- Nærmiljøanlegg
- Ski- og turløypenett / ljosløyper / rulleskiløype
- Badeplassar
- Symjehall/-fritidsbad
- Innandørs- og utandørs skytebanar (rifle- og hagleskyting)
- Ballbinge
Av utandørs aktivitetar er det idag volleyballhallar både i Bykle og på Hovden.
Hovden langrennsarena har 15 km med tevlingsløyper for langrenn (nasjonal standard), eigen rulleskiløype (konkurranseløyper). Det er bygd servicebygg/tidtakerbu i tilknytning til anlegget.
Anlegga er bygd for bruk av alle aldersgrupper, og det er vektlagd at funksjonshemma skal ha tilgjenge til dei anlegga som naturleg kan nyttast av denne brukargruppa.
Ut frå ovannemnde er kommunen godt dekka sommar- og vinterstid.
Nærmiljøanlegg
Bykle kommune har etablert nærmiljøanlegg som t.d. små balløkker, område for skileik o.l., Slike anlegg er some stader inkludert i nærmiljøa til skulane, t.d. Bykle barne- og ungdomsskule.
Tur og løypenett: Bykle kommune har for innbyggjarar og turistar investert store beløp i sikring av areal og bygging av gangvegnett med fasilitetar for natur, trim og rekreasjonstilhøve. Tilrettelegginga har i hovudsak skjedd i tilknytning til sentrumsområda Bykle og Hovden. Dei siste åra har det også blitt satsa mykje for utviding av løypenettet på Hovden og i midt-regionen; t.d. Hoslemoløypa og Løynings-/Åsaneløypa.
Bykle: Ljosløype, turløype med ljos rundt Jarekodden, gangsti til Heitjønn og badeplass ved Storetjønn og tilrettelegging av Ålmannavegen for ferdsel.
Hovden: Turløypenett rundt sentrum, Hegni friluftsområde med aktivitetar på land, bade-/vassaktivitetar på Hartevatn, tur- og løypenett i Røyrvikåsen og Otrosåsen, Hovden Alpinsenter med heis til fjells sommar og vinter, turløypenettet sommarstid og fleire mil med preparerte skiløyper vinterstid.
Kommunen støttar også opp om den tilrettelegginga turistforeiningane driv innafor Bykle kommune.
Det er viktig å halde snøscooterbruken på eit akseptabelt nivå i kommunen for å opretthalde heiområda som attraktive utfartsområde for skituristar.
Private anlegg
Ørnefjell golfbane
Hovden golfklubb blei stifta september 2000 og Ørnefjell Golfbane blei åpna i 2003. Den har 9 hol samt ein driving range på 175 meter. Banens par er 68 med eitt par 5 hol på 445 meter, tre par 3 hol og frem par 4 hol. Ørnefjell golfbane er drifta på dugnad og er eigd av Hovden Golfklubb.
Sesongen 2012 vart banen utvida med 9 nye utslagsstader slik at den fungerer som ein 18 hols golfbane. Banens klubbhus er ope i fellesferien og i weekends. Ellers er det sjølvbetening for spel her. Klubben har ca 180 medlemmer.
Golftilbodet har stor betydning for bufaste i kommunen, for hyttefolk og tilreisande golfarar. At vi har ein slik bane i vår kommune er klart med på å styrke og auke interessa for Bykle som ein betydeleg heilårs destinasjon.
Hovden Alpinsenter
Hovden har eit særs godt utvikla alpinanlegg, der eigarane gjer kontinuerlege betringar. Dette anlegget har i fylket sin idrettsplan fått status som fylkesanlegg utan økonomisk støtte.
Skianlegget har totalt 32 løyper, 3 heisar og 5 skitrekk fordelt på tre område. Anlegget inneheld eit familievennleg barneområde, utfordrande løyper og ein av Noregs beste terrengparkar. Den totale løypelengda er 34,4 km og den maksimale fallhøgda er 420 meter.