Ope grunneigarmøte om ny sti- og løypeplan i Bykle kommune
I samband med vurdering av det som har kome inn av innspel til det som skal bli ny sti- og løypeplan i Bykle kommune, skipar kommunen til ope grunneigarmøte på Bykle hotell torsdag 19. mars klokka 18.00-20.30.
Publisert av Ole Birger Lien
Publisert 02.03.2026 13:19
Sist endra 02.03.2026 13:19
Sonja Lien Skjevrak i Bykle kommune håpar at mange kjem til ope grunneigarmøte om ny sti- og løypeplan. Møtet er på Bykle hotell 19. mars klokka 18.00-20.30.
Ole Birger Lien
Grovsilinga av innspela som har kome inn vart handsama i planutvalet 16. februar. Under kommunestyremøtet i Bykle 26. februar vart handsaminga der utsett.
– Dette fordi ein ynskjer å ha endå ein runde med grunneigarane før ein går vidare i prosessen. Medverknad er viktig i denne prosessen, seier Sonja Lien Skjevrak i Bykle kommune.
Vil du lese meir om utarbeidinga av den nye sti- og løypeplanen, og ha tilgang til alle relevante dokument i saka?
Då kan du klikke deg inn her.