Vegarbeid og kanskje ljosregulering i krysset skisentervegen/Skulevegen

 Det skal utførast ei heil rekke utbetringar i krysset på alt frå betongrekkverk til fotgjengerovergangar, kantsteinar og gateljos. 

– Det er ikkje planlagt graving i sjølve vegbanen, men det kan likevel bli aktuelt med ljosregulering fram til midten av oktober, seier Bjørn Einar Andersen i Bykle kommune.

Fokus på tryggleiken

I og med at det her er snakk om ein skuleveg kjem entreprenøren Lindland maskin AS til å ha ekstra fokus på tryggleiken i anleggsperioden. Så er det sjølvsagt viktig at også alle me andre har like stor fokus på det slik at arbeidet kan gjennomførast utan hendingar av noko slag.