Solid folketalsauke i Bykle kommune
Statistisk Sentralbyrå har kome med statistikk for folketalet i Noreg etter 4. kvartal, og for Bykle kommune er det gledeleg lesing. Folketalet auka totalt med 18 personar - og det er solid i ein kommune med per no 1057 innbyggjarar.
Publisert av Ole Birger Lien
Publisert 06.03.2026 15:11
Sist endra 06.03.2026 15:11
Bykle-ordførar Hans Blattmann gler seg over at folketalet i kommunen aukar jamnt og trutt.
Ole Birger Lien
Også i Valle, Bygland og Evje og Hornnes er det auke, men ikkje like stor som i Bykle. I Setesdal sett under eitt bur det no 7275 menneske. Det er ein netto auke på 41 siste kvartal.
– Me arbeider jamnt og trutt for å auke folketalet. I samspel med næringslivet legg me til rette for skaping, og destinasjonen Hovden aukar. Då er det gledeleg å sjå at den positive utviklinga held fram, og at stadig fleire vil ha det gode liv øvst i Setesdal, seier Bykle-ordførar Hans Blattmann.