No er me inne i den nasjonale Nynorskveka!

Noregs Mållag og Norsk Målungdom oppmodar alle om å skrive nynorsk i denne perioden - og aller helst ha ei dugeleg feiring på nynorskdagen 12. mai. Organisasjonane sender invitasjonar til alle skular, barnehagar og skulebibliotek. Nynorsksenteret har i år laga eit eige undervisningsopplegg. I tillegg utfordrar dei statlege verksemder, politiske parti, frivillige organisasjonar, aviser og andre til å skriva nynorsk desse dagane.

Kvifor nynorskveka?

Nynorskveka startar 6. mai fordi Stortinget vedtok Grunnlova på nynorsk 6. mai 2014. Nynorskdagen er 12. mai fordi Stortinget 12. mai 1885 vedtok å jamstilla landsmål (seinare nynorsk) med dansk (seinare bokmål) gjennom jamstillingsvedtaket.