Gratis utlån av alpin- og snowboardutstyr til alle innbyggjarar i Bykle kommune

Kultur og fritid i samarbeid med alpinsenteret har sydd saman opplegget, så no ligg alt til rette for at både store og små med folkeregistrert adresse i Bykle kan nyte dagar i bakken – heilt gratis. I år har vi forenkla ordninga ved å knyte ho opp mot biblioteksystemet vårt. Alle MÅ komme innom biblioteket for å nytte ordninga. 

Opningstidane på Hovden Grendehus er som fylgjer:

• 22/12: 09:00-16:00
• 23/12: 09:00-16:00
• 24/12-28/12: Stengt
• 29/12: 09:00-16:00
• 30/12: 09:00-16:00
• 31/12: 09:00-12:00

Opnar igjen med ordinære opningstider 05/01.

Bykle Samfunnshus er stengt heile jola, og opnar igjen 05/01.

Slik gjer du det: 

1. Hent ut utstyrskortet i biblioteket. Utlånet vert registrert i biblioteksystemet vårt på same måte som når du låner ei bok. Utlån av utstyrskort må skje i opningstida til biblioteket i Bykle og på Hovden. 

2. Vis fram kortet på alpinsenteret. Når du skal låne utstyr, viser du fram det fysiske kortet i skiutleiga på alpinsenteret. Kortet fungerer som ditt bevis på at du har rett til gratis utlån. Utstyrskortet er personleg og gjelder eit utlån i inntil to dagar. 

3. Registrering og innlevering: Hugs å levere tilbake utstyrskortet dagen etter låneperioden, slik at andre kan få glede av tilbodet. Kan også leverast i postkasse på utsida av biblioteket.