Frå innbyggjarinitiativ mot fyrverkeri til levekårsutvalet i Bykle kommunestyre

Frå kommunestyremøtet i Bykle sist veke. Ole Birger Lien

Etter orienteringar frå helse og pleie- og omsorg i kommunen, og frå Setesdal Miljø & Gjenvinning, kom ein i gang med dei politiske sakene. Ein drøfta ny felles eigarstrategi i Å Energi, og eit samrøystes kommunestyre gjekk inn for å legge ned Levekårsutvalet. Fleirtalet av dei folkevalde sa seg samde i kommunedirektøren si innstilling om å “stille seg positiv til forslaget om mellombels endring av alkohollova sin regel om maksimaltid for skjenking under fotball-VM for herrar 2026”.

Grovsiling utsett

Kommunestyret skulle i utgangspunktet grovsile innspel som har kome til det som skal bli ny sti- og løypeplan i Bykle kommune. Under møtet vart eit innspel om å utsette saka slik at ein kan få ein runde til med grunneigarar før ein går vidare, handsama. Det slutta dei folkevalde seg til.

Dette, og mykje meir vart handsama i Bykle sist veke. 

Her kan du lese protokollen frå møtet.