Bykle vaskeri som del av Brynje-prosjektet er i rute med tanke på oppstart i løpet av februar. Vaskeriet skal ha fem varig tilrettelagte arbeidsplassar.
Publisert av Ole Birger Lien
Publisert 12.01.2024 10:34
Sist endra 12.01.2024 10:34
Leiar for Brynje-prosjektet, Vidar Mortensen, melder at Bykle vaskeri er i rute med tanke på oppstart i februar.
Ole Birger Lien
– No set me i gang ein mjuk start og intern opplæring i løpet av januar, med full oppstart månaden etter, seier leiar for Brynje-prosjektet, Vidar Mortensen.
Samarbeidsprosjekt
Den Bykle kommune-initierte satsinga er eit samarbeid mellom kommunen, Setpro og NAV. Formålet med prosjektet er å redusere sosial ulikskap og utanforskap. Bykle vaskeri skal i første omgang ta seg av vasken for Bykle sjukeheim, men etter kvart går det tilbod om vasking ut både til lokalt næringsliv og folk flest.
– Framdrifta er god, så no er det slag i slag fram mot full oppstart. Me gler oss veldig til å kome i gang, seier Vidar Mortensen.