Bykle kommune møter hyttefolket onsdag 1. april

Bykle kommune skipar til påskemøte med hyttefolket onsdag 1. april. Her frå eit tidlegare påskemøte. Ole Birger Lien

Frå klokka 09-11 skal ulike aktørar i sving for å kome med det siste av relevant nytt, viktige saker knytt opp mot påska - og hyttefolket skal sjølvsagt også få sjans til å kome med sine innspel og tankar.

Ordførar er ordstyrar

Ordstyrar er ordførar Hans Blattmann, som også tar seg av velkomsthelsinga. Kommuneoverlege Benedicte Severinsen kjem for å fortelje om påskeberedskapen, og frå Hovden løypekøyring og Hovden Fjellbad kjem Torvald Gautland. Han representerer også den lokale fjellredningsgruppa. 

Om NM

Statens vegvesen kjem for å orientere om ulike aktuelle prosjekt, og det kjem representantar for NM på ski. Som avslutning av programmet orienterer ordføraren om både arbeidet med ny sti- og løypeplan og arbeidet med kommuneplanen, før det er hyttefolket sin tur.