Brynje-prosjektet med fototevling i desember
I desember skipar Brynje-prosjektet i Bykle kommune til fototevling. Strålande vinterlandskap, flotte joletre eller kan hende blåtimen - bare fantasien set grenser for det ein kan knipse og bidra med i tevlinga.
Publisert av Ole Birger Lien
Publisert 05.12.2025 09:02
Sist endra 05.12.2025 09:02
Sjølve temaet for tevlinga er desember - jolemånaden som bør ha så mange trivelege fotomotiv å by på. Reglane er enkle: alle kan delta med eitt bilete, biletet må vere teke no i desember, og fristen for innsending er den første dagen i 2026.
– Ein jury kjem til å plukke ut tre vinnarar som får gåvekort i premie. Alle bileta som kjem inn blir lagt ut, saman med vinnarane, seier leiar i Brynje-prosjektet, Vidar Mortensen.
Bidrag til tevlinga kan sendast til: vidar.mortensen@bykle.kommune.no