Brannøving på Hovden i dag torsdag 23. april
Setesdal brannvesen IKS skal gjennomføre brannøving i området ved rundkøyringa på riksveg 9 nord for Hovden sentrum i ettermiddag. Øvinga tar til klokka 16.30 og held på til kring 20.30.
Publisert av Ole Birger Lien
Publisert 23.04.2026 12:13
Sist endra 23.04.2026 12:13
Illustrasjon.
Setesdal brannvesen IKS
Like ved riksvegen står ei hytte Bykle kommune eig - og som skal settast fyr på. I det aktuelle tidsromet blir det både uniformerte brannbilar og ikkje minst brannmannskapar frå Bykle og Hovden.
– Det er først og fremst røykrykking, slokketeknikk og slokketaktikk me skal øve på. Det betyr at blir det litt røyk og bråkete i området er det altså bare ei øving, og ingen treng å bli urolege, seier brannsjef Jan Arild Åkre.
